Electrical in nature ang isa sa ginalantaw rasun sa pagkasunog sang siyam ka mga bloke sa merkado sang Barangay Don Jorge Araneta, Bago City kagab-i.
Suno kay Senior Fire Officer 1 Rustan Sayson, pito ang totally damaged kag duha ang partially damaged.
Kalabanan sa mga natupok ang mga tindahan kag may isa nga computer shop.
Ginalantaw naman sini nga magadangat sa P1 million ang kahalitan sang sunog.
May isa naman ka BFP personnel nga napilasan sa pagpakig-away sa kalayo.
Sila ang nagkuha pa sang mga specimen agud matumod ang matuod nga rasun sang sunog.
Suno sa pila ka vendors, sila ang nakabati sang lupok-lupok antes nag-igrab ang kalayo.
Nagpasalig naman sang paghatag sang bulig ang alkalde sa ciudad sang Bago.
Suno kay Bago City Mayor Nicholas Yulo, ang mga totally damaged ang balaligyaan ang makabatun sang P10,000 nga cash assistance nga mahimo ihatag sa Lunes, samtang P5,000 naman sa partially damaged.
Sa pihak sini magahinun-anon man ini sa mga biktima agud madiskusyunan pa ang sarang nga mabulig sang ciudad agud nga sila ang makabangon sa negosyo.
Plano man sini nga ipaidalum sa psycho-analysis kag psychotherapy ang mga biktima nga mahimo natrauma sa insidente.
Samtang tun-an pa sini kun kinahanglan na sang total rennovation sang merkado ukon ang mga nasunog nga bloke lamang ang liwat nga kay-uhon.
