Madugay pa nga proseso ang paagyan bangud arraign pa si anay Negros Oriental Governor Pryde Teves agud nga mahibaluan kun guilty ini sa akusasyon batok sa iya.
Kahapon sang aga, gin-aresto si Teves sang Philippine National Police – Criminal Investigation and Detection Group (PNP-CIDG) si Teves sa Dumaguete City bangod sa paglapas sa Terrorism Financing, Prevention, and Suppression Act of 2012.
Ang warrant of arrest ang gin-issue sang Seventh Judicial Region, Branch 74 – Cebu City sang Mayo 13 kag P200,000 ang gintalana nga pyansa.
Ang anay gobernador ang nagapanguna sa listahan sang Most Wanted Persons (MWP) sa provincial kag regional level.
Apang kahapon sang hapon temporaryo nga nakagwa ini matapos nga nakapiyansa sang P600,000 para sa 3 counts violation sang Terrorism Financing, Prevention, and Suppression Act of 2012.
Sa interview sang Bombo Radyo Bacolod kay Dumaguete City Mayor Felipe Antonio B. Remollo, bailable ang kaso sang anay gobernador apang ipaidalom pa ini sa arraignment kag ginalantaw na nga ini ang magaplead nga not guilty.
First stage pa lang ang nagakatabo sa karun kag malawig pa ang proseso antes mahibaluan kun guilty ukon indi ang anay gobernador sa kaso nga ginpasaka batok diri.
Samtang, sa pihak nga bahin, ginpahayag ni Remollo nga mabatyagan na sa karun sa ciudad sang Dumaguete ang mga ginios-gios sa pulitika.
Apang sa ila nga bahin nagapadayon ini sa paghimo sang iya obligasyon bilang alkalde sa nasambit nga ciudad.
