Nagpanindugan ang alkalde sang Valladolid nga indi na bag-o nga programa ang pagpabalik sang P3,000 gikan sa P5,000 nga ayuda nga mabaton sang mga pumuluyo.
Sa interview sang Bombo Radyo Bacolod kay Valladolid Municipal Mayor Ricardo Presbitero Jr. nga ang pagpauli sang P3,000 ang kabahin sang programa nga madugay na nga ginapatuman sa banwa.
Suno kay Presbitero ang tinutuyo sini amo nga mahatagan man ang iban nga mga pigado nga pumuluyo nga wala nadala sa listahan.
Ginkumpirmar sini nga mga empleyado gid man sang banwa ang nagabawi sang P3,000.
Pahayag sang alkalde nga suno sa opisyal sang Department of Social Welfare and Development (DSWD) indi nila sarang maakumodar sa payout ang isa ka libo nga benepisyaryo, gani ginsuhestyon nga 400 na lamang ang hatagan samtang ang iban ang magahulat nalang sa Municipal Hall.
Ang nakabatun sa payout center amo naman ang dapat maghatag sa ila “partner” beneficiaries.
Suno kay Presbitero nga ini ang ikaapat na nga payout kag sadto wala man sang may nagareklamo.
Panindugan sang alkalde nga DSWD ang nagamanage sang payout kag wala sang involved nga elected official.
Panindugan sini nga luyag niya nga makabatun man ang iban pa nga mga pigado nga pumuluyo subong nga Paskwa.
