Nagapanawagan ang tatay sang lapsag nga napatay sa Bago City Hospital sa management sang nasambit nga hospital nga dapat kay-uhon na sang mga ini ang ila nga pagserbisyo sa ila nga mga pasyente.
Sa exclusive interview sang Bombo News Team kay Patrick Saylo, amay sang napatay nga lapsag, sa Valladolid District Hospital kuntani sini luyag nga magbata ang iya nga asawa bangud may yara sang posibilidad nga macaesarian ini.
Suno kay Saylo, nagwalking pa ang iya asawa nga si Jennifer Saylo, 45 anyos kag isa ka Grade 3 teacher sa ila sang hinali nagsakit ang iya nga tiyan gani sila ang nagpadulong sa Bago City Health Office kapin alas-10:00 tubtob alas-11:00 sang aga.
Sa internal examination (IE) sang Bago CHO, yara sa 8cm ang baby, apang sang magtindog ini hinali nga naglupok ang iya nga tubigan.
Bangod sini, nagtawag sang ambulansya, kag una nga ginrequest sang iloy nga siya ang dal-on sa Valladolid District Hospital bangod may record na ini didto, apang siya ang ginsabat nga sila ang may One Hospital Command.
Paathag sa iya nga wala sila sang referral padulong sa Valladolid District Hospital, kag ginpanindugan nga ini ang dapat sa Bago City Hospital dal-on bangod siya ang residente sa ciudad sang Bago.
Sa IE sang ospital, yara pa lamang sa 6cm to 7cm indi kaangay sa 8cm nga IE sang Bago CHO.
Nagreklamo pa ang midwife sa labor room, bangod siya ang ginasugo nga mag-inhale exhale lamang, nga indi sini mahimo bangod siya ang nagabun-a, nga naresulta agud siya ang nagpalamus-on.
Suno diri, nalab-utan 12 ka oras ang iya pagpasakit kag alas-10:00 tubtob alas-11:00 sang gab-i pa ini gindala sa delivery room.
Sa ultrasound, makita man nga plastado na ang baby, apang may-ara na sang indikasyon nga ini ang kinahanglan sang caesarean section.
Sang makagwa ang baby, nakabati ini nga may heartbeat apang wala nagahibi ang bata.
Ginpapa man ini agud pahibion tubtob makita sini nga kaangay nga may mga ginatakod na sa baby.
Nahibaluan nga wala sang caesarean section sa Bago City Hospital, apang may-ara kuntani sa Valladolid District Hospital.
Sa facebook post man ni Patrick , nagrequest na ang iya asawa nga i-caesarean kag may document man gikan sa ob gyne nga kun indi masarangan sang iloy, dapat nga ipaidalom na sa CS, apang ginpilit gid sang hospital personnel ang normal delivery.
Ginpahayag man sini nga sa utility worker sang hospital ini nagapamangkot sang sitwasyon sang iya asawa bangud indi ini makasulod sa delivery room.
Sang nakasulod na ini matapos gin-inform sang midwife nga nakabata na ang iya asawa apang wala nasalbar ang bata, ginsaway pa sini ang pagtahi sa kinatawo sang asawa sini bangud nagatuga ini sang bleeding gani ginliwat ini.
Gin-alegar man nga nalate man ang doctor nga nagpabata sa iya asawa.
Nagreklamo man ang asawa nga indi makaginhawa gani ginhatagan ini sang bag dextrose agud himuon nga ulunan bangud wala sang ulunan.
Suno diri, dapat kay-uhon sang hospital ang ila nga pagserbisyo agud nga indi na maliwat ang natabo sa ila nga anak.
Ikatatlo na kun nga bata sang mag-asawa ang napatay nga lapsag, kun sa diin ang subang ang edad 20 anyos, kag 15 anyos naman ang ikaduha.
