Hugot nga nagpanindugan si Mona Dia Jardin nga illegal ang pagkakas sa iya bilang general manager sang Bacolod City Water District (BACIWA).
Ini kasuno sang pagdeklarar sang board of directors sang BACIWA nga nag-expire na ang termino sini bangud sa loss of confidence.
Sa press conference sini nga hapon, ginpahayag ni Jardin nga nahangpan sini nga ang iya pagpungko bilang GM ang yara sa pleasure sang board kag handa ini magbiya sa pwesto kon nag-agi naman sa due process.
Suno diri, wala siya sang nabaton formal complaint batok sa iya antes gindeklarar sang board of directors nga nag-expire ang termino sino paagi sa resolusyon.
Apang suno diri, wala nasunod ang due process bangud sang Agosto 22 lamang ginhimo ang resolution kag ginserbe gilayon sa iya kag wala siya nahatagan sang tion nga magsabat.
Sa issue sang mga sweldo sang mga back wages sang mga ginpahalin nga mga anay empleyado, nakahatag man sang rekomendasyon.
Sa issue sang pagbakal sang duha ka ektariyas nga duta agud himuon nga eco park sa Alangilan nga isa sa mga gintudlo rason sang board sa pagkakas sa iya sa pwesto, ginpahayag ni Jardin nga may yara sang board resolution nga naga-authorize sa iya sa pagpangita, pagnegosyar kag pagbakal sang duta kag mangin ang pagbayad diri.
Ginpanindugan ni Jardin, nga ang iya trabaho amo lamang ang pag-implementar sang mga desisyon sang board.
Kasunod sini, suno kay Jardin nga adlaw-adlaw ini nga maga-report sa trabaho kag may ginaplano naman nga legal actions.
