Ginpahayag ni anay Councilor Dindo Ramos nga dapat sibilyan ang magapamuno sa Bacolod Traffic Authority Office (BTAO).
Sa interview sang Bombo Radyo kay Ramos, nga nangin chairman man sadto sang Committee on Transportation sa Sangguniang Panlungsod, civilian in nature ang BTAO kag kun mag-appoint ang alkalde sang permanente nga position sa magapamuno diri, dapat indi ini pulis bangud siya ang mangin empleyado sang local government unit.
Suno sa iya, kun police office ang magapungko, mabayolar ang double compensation bangud nagabaton na ini sang sweldo nagikan sa Philippine National Police kag kun ini ang i-employ pa sang city government, mabayolar ang layi.
Apang suno diri, sarang maka-appoint on acting capacity kaangay sadto kay Police Major Ruel Culanag.
Isa sa mga problema suno sa anay konsehal sang gin-appoint si Culanag amu nga wala control ang alkalde sa movement sang PNP gani sang ginre-assign ini sa regional office, wala sang may mahimo ang ciudad.
Suno kay Ramos, nakapasar ini sang resolution sadto nga acting man ukon permanente, dapat civilian in nature kag empleyado gid sang Bacolod ang ibutang sa pamunuan sang BTAO.
Suno sa iya, kun police ang mangin BTAO Head, pwede ini mapull-out, mare-assign kag materminate sang PNP kag wala diri sang kontrol ang alkalde.
