Gin-athag sang anay General Manager for Operations sang Bacolod Water District ukon BACIWA nga ang pagqualify sa Bacolod Bulk Water Incorporated ang ginbase tanan sa provision sang RA 9184 ukon ang Government Procurement Reform Act.
Sa interview sang Bombo Radyo Bacolod kay Engineer Genelyn Gemora, gin-evaluate sang technical working group ang mga legal, technical kag financial sadocuments sang bulk water supplier kag ini ang nakacomply man sa tanan requirements.
Ginpahayag man ni Gemora nga ginkadto man sang technical working group ang mga proyekto sang bulk water supplier nga kalabanan ang yara sa Luzon.
Suno kay Gemora, may yara sang special vehicle nga naregister sa Securities and Exchange Commission (SEC) nga nagconsortium ini sa Mactan Rock Industries Inc kag Tubig Pilipinas kun sa diin ang consortium ang ginpangalanan sang Bacolod Bulk Water Inc.
Suno pa diri ang mga proyekto sang Mactan Rock Industries Inc kag Tubig Pilipinas ang ginverify man nila antes ginqualify ang BBWI.
