Gin-kakibot sang anay gobernador sang probinsya sang Negros Occidental ang liwat nga pag-ungkat sa gin-post sini sa social media account nga isa ka mensahe batuk kay Presidente Rodrigo Duterte.
Sa exclusive interview sang Bombo Radyo Bacolod kay former Governor Rafael “Lito” Coscolluela, gin-athag sini nga tuig 2016 pa niya gin-post ang iya mensahe nahanungod sa pag-panawagan sini nga kakson sa pag-kakandidato sa Presidential race si Duterte bangud sa mga insulto sini sa mga kababain-han, kalalakin-an kag mga LGBT mangin ang mga kabulig sa sulod balay kag sa iban pa nga sektor sang gobyerno.
Suno sa iya, ang mensahe ang naka-address kay Duterte sang siya ang kandidato pa lang.
Posible man suno kay Coscolleula nga may yara sang iban nga tawo nga facebook friend sang iya nga friend ang nag-repost sang iya nga status.
Gina-respeto man sini ang masobra 16 milyon nga nagboto agud ibutang sa pwesto si Duterte sa pagka-presidente kag gin-athag man sini nga wala siya sang may gina-suportahan nga grupo agud i-oust ang presidente sa iya nga pwesto.
