Gindagdagan sang arrest warrant si anay Miss Universe co-owner Anne Jakrajutatip suno sa report sang Thai media outlets.
Gindagdag ang arrest warrant matapos nga wala magtambong si Jakrajutatip sa verdict hearing sang kaso sini nga fraud nga imbulbado ang 30million Thai baht ukon P54,691,674.24.
Napaslawan man si Jakrajutatip nga maghatag sang eksplinasyon sang iya indi pagtambong nga nagresulta sa pagsuhestyon sang South Bangkok Criminal Court nga gintuyo sini nga palagyuhan ang kaso nga ginpasaka sa iya kag ang korte ang nagmando man nga arestuhon ini.
Ang nagpasaka sang fraud case batok sa anay Miss Universe co-owner amo si Dr. Raweewat Maschamadol.
Ginpasaka ang kaso bangud sa indi pagsugid sang kamatuoran.
Suno sa The Nation Thailand nga ang defendants nga nag-invest ang akusado sa corporate bonds nga nagabalor sang 30 million baht, apisar nga wala ang mga ini sang ikasarang sa pagbayad.
Magluwas sa mando nga ginapaaresto ini bangud sa wala pagtambong sa hearing, ang korte ang nagmando man sang forfeiture sang Jakrajutatip bail.
Ang korte ang nagmando sang pag-reschedule sang verdict hearing sa December 26.
Samtang santo sa report naglupad padulong sa Mexico si Jakrajutatip.
