Wala pa opisyal nga nakapungko ang bag-o nga agent in charge sa National Bureau of Investigation (NBI) Bacolod District Office.
Sa interview sang Bombo Radyo Bacolod kay Atty. Jose Gabriel, executive officer sa NBI-Bacolod, sang Mayo 6 ginpatigayon ang turn-over ceremony.
Ang magabulos kay Atty. Renoir Baldovino amo si Manuel Fayre Jr. nga anay pinuno sa Anti-Terrorism Division sang NBI Central Office.
Sa karun wala pa makareport sa opisina si Fayre bangod ini ang madamo pa sang ginahitso sa iya biyaan nga pwesto.
Wala paman ini nakadagdag sang marching order, kag nagpahanumdom lamang nga ipadayun ang trabaho kag indi magtutok sa isa lamang ka kaso.
Antes magpungko nga pinuno sa Anti-Terrorism Division, si Fayre ang nagserbe naman nga pinuno sang NBI-Capiz.
Sa pihak nga bahin si Baldovino ang ginsaylo naman sa NBI-Tarlac.
Suno kay Gabriel, si Baldovino ang makabig nga pinakamalawig nga nagpungko nga pinuno sa NBI-Bacolod bangod ini ang nagserbisyo na sang masobra pito ka tuig humalin sang Marso 2017.
Ini ang natalana naman nga magretiro sa masunod nga tuig.
