Gin-athag sang animal bite center sa Bacolod City Health Office nga libre para sa tanan ang anti-rabies vaccine.
Ini santo sa Executive Order no. 59 nga ginpermahan ni Bacolod City Greg Gasataya nga libre para sa tanan nga category ang anti-rabies vaccine ilabi na sa senior citizens, indigents kag marginalize sector.
Suno kay Dr Carlo Ortega, animal bite coordinator sang Bacolod CHO, ang middle class maka-avail man basta may certifcate halin sa Department of Social Services and Development (DSSD) nga ipakita sa animal bite center apang case to case ang basehan diri bangod nakadepende ini sa availability sang vaccine sa CHO.
Natukiban sang inventory team nga may 1,500 ka vials sang anti-rabies vaccine nga maexpire na sa Nobyembre 30 apang wala sang dapat ikabalaka bangod sarang nga macater sang CHO ang tanan tubtob nga maubos ang bakuna antes ini maexpire.
Apang ang macater sang CHO yara lamang sa 100 tubtob 150 ka patient kada adlaw bangod sa kakulangan sang nurse, staff kag doctors.
