Madamo ang nagapati nga sarang nga ma-infect sang tetanus ang isa ka tawo kun may pilas ini kag makacontact sa metal nga may tuktok.
Apang nakahibalo bala kamo nga ang Clostridium Tetani nga amu ang bacteria nga nagatuga sang tetanus ang makit-an maskin diin?
Suno kay Dr. Germinn Louis Apostol, sarang ini nga makita sa balas, kagat sang mga sapat ukon maskin diin.
Ang tetanus disease ang kilala bilang “lockjaw: kag nagaapekto sa nervous system.
Makapugong ini sa pagginhawa kag posible nga mangin life-threatening nga balatian.
Ang iban nga mga sintomas ang ginalakipan sang spasm sang pagpanig-a sang muscles, kabudlayan sa pagtulon kag hilanat.
Suno kay Dr. Apostol, ang severe tetanus infection ang ma-eksperyensyahan sang mga pasyente nga indi kompleto ukon indi updated ang bakuna batok sa tetanus.
Gindugang man sini nga ang vaccination ang pinaka-importante nga preventive measure batok diri.
