Yara na sa maayo nga kahimtangan ang apat ka mananagat nga namissing sa Nueva Valencia Guimaras nga nakit-an sa banwa sang Hinobaan matapos ang halos lima ka adlaw nga nagpautaw-uatw sa tunga sang lawod.
Sa interview sang Bombo Radyo kay Coast Guard Lt. Junior Grade Carla Mayang, commander sang Coast Guard Southern Negros, Abril 9, sang nagpalawod ang apat ka mga mananagat apang wala na nahimo pa nga makapauli.
Ginreport nga na-missing ang apat sang Abril 10, kag gilayon man nga nagpatigayon sang search and rescue.
Apang, Abril 14, alas- 5:00 sang hapon na kag nakit-an ang apat nga naga utaw-utaw sa baybayon sa banwa sang Hinobaan, Negros Occidental.
Suno kay Mayang, nagkulob ang bangka sang apat bangod sa dalagko nga balod kag mabaskog nga hangin.
Sa karun, yara na sa maayo nga kahimtangan ang apat ka mga mananagat.
