Nagsaka na sa 1,143 ka pamilya ang narecord nga apektado sang pag-alburuto sang Bulkan Mayon.
Ini ang santo sa monitoring sang Department of Social Welfare and Development (DSWD).
Ini ang ginalakipan sang 4,139 ka persona halin sa 13 ka apektado nga barangay.
Suno sa ahensiya, may kabug-usan nga 1,128 ka pamilya ang yara subong sa evacuation center samtang 15 naman ka pamilya ang ginpili nga temporaryo nga maki-istar sa ila nga kaparyentehan kag kilala
Nakahatag naman ang ahensiya sang masobra P6 million nga balor sang assistance,samtang may ara pa sang masobra P3.1 billion nga budget sa relief supplies ang nagapabilin nga available para sa mga biktima sang kalamidad.
Apisar sa padayon nga pag-alburuto sang Bulkan Mayon, wala sang may narecord nga naguba nga ukon apektado nga panimalay.
Padayon nga ginpreparahan sang DSWD ang posibilidad nga pagtaas sang numero sang mga apektado kag mga pamilya nga kinahanglan nga i-evacuate samtang nagapadayon ang mga aktibidad sang nasambit nga bulkan.
