Gintindugan sang Apolinario Gatmaitan Command sang New People’s Army nga journalist, sibilyan, lokal nga pumuluyo, kag foreign nationals kag indi miyembro sang NPA ang iban nga mga napatay sa engkwentro sa Brgy Salamanca, Toboso, Negros Occidental sang Abril 19.
Madumduman nga 19 ang napatay sa engkwentro sa tunga sang North Negros Front sa pagpanguna ni Roger Fabillar, nga mas kilala bilang si Arnel Tapang, batok sa 79th Infantry Battalion sang Philippine Army.
Sa ginpagwa nga statement ni Ka Maoche Legislador, spokesperson sang Apolinario Gatmaitan Command, dyutay lamang ang miyembro sang grupo ni Tapang.
Panindugan nila nga propaganda lamang sang militar ang pagkilala sa 19 nga napatay nga mga NPA members, apisar nga sila ang mga local kag foreign journalist, kag human rights advocates nga nagadokumento sang sitwasyon sang mga pigado sa lugar.
Ginkwestyon man nila nga makaduluda ang pagpresentar sang militar sang 19 man ka armas luthang, nga parehas gid sa kadamuon sang napatay.
Dugang pa sini nga notebook,camera kag ang pagtamay sa pigado lamang ang balon sang mga ginakabig nila nga martyrs.
Suno kay Legislador, sila ang biktima sang pagtanom sang ebidensya kag fabricated encounter, nga madugay na suno diri nga ginahimo sang militar agud malab-ot ang qouta kag makabatun sang promotion.
May mga ginlatag pa ang grupo nga mga halimbawa sang gina-alegar pagpamatay sang mga militar sang inosente, nga ginapresentar bilang miyembro sang makawala nga grupo.
Suno diri, ang ginatawag sang militar nga battlefield success ang isa ka cold-blooded assault.
