Ginkumpirmar sang pinuno sang Environmental Monitoring Enforcement Division sang Environment Management Bureau (EMB) nga may gin-aprubahan ini nga application para sa environment enhancement para sa property protection ni Councilor Vladimir Gonzales.
Sa interview sang Bombo Radyo Bacolod kay Vicente Losbañes, gin-grant sang opisina sini ang application ni Gonzales bangud isa lamang ini ka environmental enhancement ukon pagbutang sang pika-pika.
Suno kay Losbañes, nga kasubong sini nga proyekto indi na kinahanglan pa ang environmental compliance certificate ukon ECC.
Suno diri, may patigayunon sila subong nga hapon sang inspection kag kun makita nga naglapas si Gonzales sa gin-applyan nga permit mahimo siya papanaugan sang notice of violation kag magabayad sang multa nga P50, 000.00.
Suno kay Losbañes, lain naman nga permits ang kinahanglan sa tion nga magpatigayon sang reclamation project.
