Ginmeeting sang Department of Public Services sa pagpanguna ni officer-in-charge Ma. Fe Trespuentes ang IPM Construction and Development Corporation agud maistoryahan ang tuhoy sa problema sa wala makolekta nga basura.
Sang Lunes, nagpadangat sang reklamo ang mga vendors sa Libertad Public Market tuhoy sa mga basura nga wala nakolekta.// Kahapon, gilayon ini nga nahiuman sang tikang kag ginpanghakot naman sang IPM.
Sa meeting, ginpamangkot ang IPM Construction and Development Corporation sang rason sa pag-accummulate sang basura kag suno diri, wala sang proper disposal ang rason.
Suno naman sa mga vendors, wala man nagakolekta ang IPM.
Bangud diri, ginpastrikto sang DPS ang IPM nga dapat magkolekta gid sang basura kag ginpahayag nga indi bangud manugtapos na ang ila kontrata, sila ang mapabaya na lamang.
