Ginalantaw sang Department of Agriculture (DA) nga makuha na sa masunod nga bulan ang approval sang Food and Drug Administration (FDA) kaangot sa commercial rollout sang African Swine Fever (ASF) vaccines nga halin sa Vietnam.
Ini ang ginpahayag ni Agriculture Assistant Secretary Arnel de Mesa, ang spokesperson sang ahensya.
Suno kay De Mesa, ang nasambit nga mga bakuna ang epektibo bangud healthy ang kadam-an sa nabakunahan na nga mga baboy.
Na-administer na sa karun ang 29,000 sa 160,000 available doses sang ASF vaccines ang , kalakip na ang 10,000 doses nga nabaton sang gobyerno paagi sa emergency procurement.
Nahibaluan nga bulan sang Agosto sang una nga ginpatigayon sang Department of Agriculture ang vaccination drive agud matapna ang outbreak sang ASF kaangay sang natabo sang 2019 nag nag-resulta sa binilyon ka pesos nga kapierdehan kag daku gid nga buhin sa local swine population.
