Nagpanugyan ang assistant regional director sang Department of Social Welfare and Development (DSWD) 6 sa mga local government units nga pabakuron ang ila mga tikang sa pagprotekta sang mga kabataan kadungan sang ika-11 nga Juvenile Justice and Welfare Consciousness Week nga ginpatigayon sa Talisay City sang Nobyembre 21.
Suno kay DSWD 6 Assistant Regional Director Arwin Razo, sa Western Visayas, nagapanguna sa pinakamadamo nga kaso nga nakomiter sang mga menor-de-edad amu ang rape, nagapangaduha ang theft, nagasunod ang robbery, murder, kag drug related cases.
Suno kay Razo, sa bahin naman sang national ukon sa bug-os nga Pilipinas, nagapanguna ang kaso may kaangtanan sa illegal nga druga.
Suno diri, dapat nga pasanyugon sang mga local government units ang ila mga tikang tuhoy sa proteksyon sang mga kabataan kag i-assess kun nagafunction kag responsive ang ila Local Council for the Protection of Children (LCPC).
Ginhangkat man sini ang mga tumalambong nga magbuligay sa paghimo sang mga community based interventions agud mabuligan kag matapna ang mga potensyal sang cases sang children in conflict with the law.
