Patay ang isa ka lalaki matapos tuyo nga magsulod sa secured perimeter sa balay ni US President Donald Trump sa Mar-a-Lago, Florida.
Natabo ang insidente ala-1:30 sang kaagahon sang Domingo, oras sa Estados Unidos Pebrero 22.
Suno sa United States Secret Service, nagtambong si trump sa Governor’s Ball sa Washington, D.C. sang natabo ang insidente.
Ang amo nga lalaki ang nakita nga may dala sang shotgun kag petrol canister nga tuyo kuntani magsulod sa Palm Beach residence ni Trump.
Suno sa report, ginhambalan sang mga otoridad ang lalaki nga ipapanaog ang iya nga mga dala apang wala ini nagtuman kag plano pa sini nga tirohon sila.
Bangud sini, ginluthang nila ang suspetsado agud maprotektahan ang ila kaugalingon.
Padayon nga ginatumod sang mga otoridad ang identity kag motibo sang suspetsado.
