Naka-abot na ang pila ka mga atleta sang probinsya sang Siquijor para sa Negros Island Region Athletic Association Meet (Niraam) 2026 sa ila billeting area sa Rodolfo A. Medel Sr. Elementary School sa Barangay Tangub, Bacolod City.
Sa interview sang Bombo Radyo kay Enrico Zerna, division sports officer sang DepEd divison of Siquijor, sa ginpatigayon nga occular inspection sang tinalikdan, nakita sini nga malapad kag malimpyo ang buluthuan nga gamiton nila bilang billeting area.
Suno diri, wala man ini sang may nakita nga problema sa water supply, sa classrooms, sa comfort rooms kag sa security sa buluthuan.
Kahapon naka-abot na ang masobra sa 100 ka delegates kag ginalauman nga maga-abot naman bwas ang masobra sa 400 ka athletes kag coordinators.
Suno kay Zerna, 636 ang numero sang ila delegasyon kun kumpleto ang ila attendance apang posible nga may yara sang indi maka-upod bangod sa paglain sang pamatyag.
Suno pa diri, may ginpadala ang provincial government nga service para sa ila nga pagbyahe padulong sa venue sang hinampang.
Pahayag ni Zerna, nagalaum ini nga mangin succesful ang experience sang mga kabataan kag mahampang ang mga ini nga malipayon.
