Wala makita sang mga personnel sang Philippine National Police-Criminal Investigation and Detection Group (CIDG) ang negosyante nga si Atong Ang.
Ini matapos nga ginserbe nila ang arrest warrant batok sa iya sa balay sini sa Pasig City sang, Miyerkules, Jan. 14.
Ini ang may kaangtanan sa kaso sang mga nagkaladula nga manugbulang.
Ginpadulungan sang mga otoridad ang balay kag mga propedad ni Ang apang wala makita ang negosyante.
Ginkumpirmar naman ni Bureau of Immigration (BI) spokesperson Dana Sandoval nga wala sang record nga naggwa si Ang sa Pilipinas.
Samtang, ang arrest warrant ang ginkwestyon sang kampo ni Atong Ang.
Sa opisyal nga pahayag sang abugado sini nga si Atty. Gabriel Villareal, ginakabig sini nga premature ang nangin desisyon sang Sta. Cruz, Laguna Regional Trial Court Branch 26.
Sang tinalikdan nga adlaw ginpagwa ang issued warrant of arrest batok sa negosyante sa kaso nga ‘kidnapping with homicide’.
Apang nagapati ang legal counsel sini nga ang mando sang nasambit nga korte ang gina-alegar paglapas sa kinamatarong sang kliyente sini para sa due process.
