322 ka mga police officers nagikan sa Negros Occidental Police Provincial Office (NOCPPO) ang iga-deploy para sa augmentation sa Bacolod City Police Office sa pagpatuman sang seguridad kadungan sang selebrasyon sang MassKara Festival sa bulan sang Oktubre.
Sa interview sang Bombo Radyo Bacolod kay Police Lt. Judesses Catalogo, spokesperson sang NOCPPO, nakapatigayon na ang Negros Occidental Police Provincial Office kaupod ang Bacolod City Police Office sang initial joint security meeting kun sa diin naestoryahan kag gin-ayo sang BCPO nga ang magapatuman sang seguridad sa October 10 tubtob 16 nga activities kadungan sang selebrasyon sang Masskara nga patigayunon sa Panaad Park and Stadium.
Kadungan sini, nagpreparar sang 322 ka mga police personnel ang NOCPPO nga igadeploy para sa augmentation sa pagpatuman sang seguridad sa selebrasyon sang Masskara Festival.
