Nagtaliwan na sa edad nga 88 anyos ang Australian blood donor nga si James Harrison nga nagsalbar sa kabuhi sang masobra duha ka milyon ka mga bata.
Si Harrison may yara sang plasma nga may “rare and precious antibody” nga kilala nga Anti-D.
Siya ang kilala bilang “Man with the Golden Arm,” kun sa diin nagdangat sa masobra sa 1,100 ka beses na ini nagdonar sang dugo.
Ang misyon ni Harrison nga magbulig nag-umpisa sang nagpaidalum ini sa lung surgery sa edad nga 14 anyos kun sa diin nagbaton ini sang pila ka blood transfusion.
Nag-umpisa ini sa pagdonar sang plasma sa edad nga 18 anyos nga ginpadayon na sini kada duha ka semana tubtob sa edad sini nga 81 nga amo na lamang ang upper age limit para sa blood donation sa Australia.
Mahibaluan nga ang Anti-D ginagamit sa medication sang mga nagabusong kun sa diin ang dugo sang iloy naga-atake sa blood cells sang ila wala pa nabun-ag nga bata.
Ang ini nga kondisyon ginatawag nga rhesus disease nga kun ang nagabusong nga babayi may yara sang rhesus-negative blood (RhD negative) samtang ang bata naman may yara sang rhesus-positive blood (RhD positive) nga nakuha sini sa amay.
Sa malala nga scenario kun kaisa ang bata mahimo nga magsuprer sang brain damaged ukon mapatay.
Suno kay Jemma Falkenmire, sang Australian Red Cross Blood Service, tubtob sang tuig 1967, linibo ka mga bata ang nagakapatay kada tuig kag wala nakahibalo ang mga doktor sang rason.
Pila ka mga babayi ang naga-eksperyensya sang miscarriage kag iban nga kabataan ginabun-ag nga may barin damage.
Ang Australia ang isa sa una nga pungsod nga nakadiskubre sang blood donor nga may amo nga antibody kag si Harrison ang ginkonsiderar nga national hero nga nakabaton sang madamo nga awards kalakip na ang Medal of the Order of Australia nga sa pinakamataas nga honor sang pungsod.
