Dakop ang gina-alegar miyembro sang New People’s Army sa ginpatigayon nga follow up operation sang 79th Infantry Battalion sang Philippine Army matapos nakapalagyo ang mga ini sa Hacienda Ambulong, Barangay San Fernando, Talisay City nagligad nga Enero 13.
Madumduman nga ginbilin man sang mga miyembro sang NPA ang isa ka ginabulubanta duha ka bulan nga lapsag sa sibilyan antes maghalin sa Hacienda Ambulong.
Sa interview sang Bombo Radyo Bacolod kay Lt. Norman Sorila, commanding military officer sang 79th IB, ginpahayag sini nga samtang nagapatigayon sila sang security patrol, ila nakita si Ruffa Baynosa nga manugsulod kuntani sa balay kun sa diin nakuha ang lapsag kag daw kaangay nga suspicious.
Gilayon ini nga gin-hold kag gin-usisa sang otoridad kun sa diin ila sang ulihi nahibaluan nga may yara ini sang standing warrant of arrest para sa kaso nga murder kag 2 kag frustrated murder.
Ini ang may kaangtanan sa July 2009 incident sa Barangay Salamanca kun sa diin ginabanta 20 ka mga NPA ang nag-ambush sa isa ka utility truck nga may unod nga sibilyan kun sa diin tato ang patay kag tatlo man ang pilason.
Sa karon yara sa kustodiya sang Talisay City Police Station si Baynosa.
