Matapos ang madugay nga pagpangita sang iya pamilya, isa ka babayi sa central Indonesia ang nasapwan nga patay na sa sulod sang tiyan sang man-og matapos nga ini ang gintulon sang bilog.
Nasapwan ang babayi nga ginkilala kay Farida sang iya 45 anyos nga bana nga residente sang Kalempang village sa South Sulawesi province sa sulod sang reticulated python nga nagalaba sang lima ka metros ukon 16 ka tapak.
Ang babayi ang nadula sang Hwebes sang gab-i matapos nga wala na makapauli kag ini ang ginpangita na sang iya kaupod kag ila kaingod.
Nakita ang bana sini ang iya nga mga pagkabutang gani nagsuspetso na ini gani ginpangita pa gid nila ini.
Sang ulihi, ila nakita ang python nga dako ang tiyan.
Nagdesisyon man ang mga ini nga buksan ang tiyan sang man-og.
Sang nabuksan na nila ini, gilayon nila nakita si Farida nga wala na sang kabuhi apang nagasuksok pa sang iya nga mga panapton.
Ginakabig naman ang hitabo nga tumalagsahon apang sang tinalikdan nga mga tinuig, madamo naman ang nagkalamatay bangud gintulon sang python sang bilog.
