Arestado ang 34 anyos nga School Admin Staff nga babayi sa drug buybust operation nga ginpatigayon sa Purok Masinulondon, Brgy. Punta Taytay, Bacolod City alas-2:06 kaina sang kaagahon.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU) kun sa diin madinalag-on nga naaresto si Tisha Viajedor, 34 anyos, residente sa lugar, kag yara sa listahan sang Barangay Anti-Drug Abuse Council.
Narecover sa iya paghinakop ang 11 ka sachet sang suspected shabu kalakip na ang buybust item.
Ang suspected shabu ang ginabanta nagabug-at sang 50 gramos nga may standard drug price nga P340,0000.
Si Viajedor ang natalana mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
