Madasig nga nakatandog sang balatyagon sa social media ang isa ka baby Japanese macaque ukon baby monkey nga gin-abonda sang iya iloy matapos makabatyag sang comfort sa isa ka stuffed toy nga orangutan sa isa ka zoo sa Ichikawa, Japan.
Pito na ka bulan ang nakaligad matapos nga gin-abondona sang iya iloy ang baby Japanese monkey nga si Punch.
Suno sa zookeeper nga si Kosuke Shikano, masami nga nagahakos ang baby monkey sa ila iloy para sa kusog kag makabatyag sang kabaskog kag seguridad.
Bangud sini, gilayon sila nga nangita sang ikabulos sa iloy ni Punch kag nagtesting sang nagkalain-lain nga bagay antes ginpili ang isa ka stuffed toy.
Dugang pa, ini ang kaangay gid sa isa ka matuod ka amo (monkey) nga makabulig kay Punch.
Sa subong, ginadala ni Punch ang iya stuffed toy bisan diin siya magkadto kun sa diin ginakabig niya nga daw iya tuod na nga iloy.
Amat-amat naman siya nga naga-upod sa iban nga mga amo.
Nagalaum naman ang zookeeper nga sa isa ka adlaw indi na niya kinahanglan ang iya stuffed toy.
