Nagpagwa ang mga organizers sang reminders sa mga magalantaw sang Arena Competition sang MassKara Festival sa Paglaum Sports Complex bwas sa hapon.
Suno sa mga organizers, ang gates sang Paglaum Sports Complex ang magabukas alas-10:00 sang aga kag wala na sang movement sugod alas-2:00 sa hapon.
Indi naman makasulod sa venue ang mga vendors gani ginpanugyanan ang publiko nga magdala sang kaugalingon nga pagkaon kag transparent water bottles.
Kinahanglan man nga magdala sang kaugalingon nga kuyab samtang ginadumilian ang pagdala sang payong, ballpen ukon anuman nga matalom nga bagay, liquor, drones kag backpacks.
Ang entrance para sa general public amo ang Gates 1, 4 kag 6; ang entrance para sa media, VIPs kag sponsors amo ang Gate 2 samtang ang entrance para sa PWDs kag senior citizens amo ang Game 3.
Ginadumilian naman ang pagpanigarilyo sa sulod sang premises sang Paglaum Sports Complex.
