Ginakabig sang Bacoleño composer nga isa ka dako nga regalo sa iya nga kaadlawan ang malakip sa top 12 finalist sang The 3rd National Bombo Music Festival 2020.
Sa interview sang Bombo Radyo Bacolod kay Edgardo Miraflor Jr. sang Barangay Tangub, Bacolod City, wala sang sudlan ang iya kalipay subong nga adlaw bangud magluwas sa iya nga kaadlawan, nakasulod man ang iya kanta nga “Someday When I am a King” sa top 12 sang The 3rd National BMF 2020.
Ang “Someday When I am a King” ang nahanungod sa contentment sa kabuhi nga apisar pigado, pwede man sa gihapon mangin hari sang puluy-an.
Duha ang entries ni Miraflor apang wala naman ginswerte ang “Mamam” nga tuhoy naman sa isa ka babayi nga nagahigugma lamang kun hubog ini.
Suno kay Miraflor, ang interpreter man sang komposisyon nga nangin finalists sa Ilonggo Music Festival sang 2016 ang maga-interpret sa “Someday When I am a King”.
Sa kabug-usan, may yara na sang 80 compositions si Miraflor nga miyembro sang banda sa Bacolod.
