Nag-umpisa na ang pagpatigayon sang Bacolod Chicken Inasal Festival sa ciudad subong nga adlaw, Mayo 24.
Suno kay Bacolod City Councilor Celia Flor, chairperson sang Committee on Markets and Slaughterhouse, ang opening program sang Bacolod City Chicken Inasal ang ginpatigayon sa North Capitol Road subong nga adlaw.
Suno kay Flor, magluwas sa opening program, patigayunon man sa North Capitol Road ang taste testing sang mga inasal nga ginluto sa beer sang nagkalain-kalain nga mga chef sa Bacolod kag ini ang sponsored sang San Miguel Brewery.
Bangud sini, ginaagda niya ang mga pumuluyo nga makigbahin sa nasambit nga event.
Samtang ang duha pa ka venues sang Bacolod Chicken Inasal Festival ang ginalakipan sang dalan sa Upper East kag mismo sa Manokan Country.// Suno diri ang kada venues ang may yara sang patigayunon nga main events.
Ang Bacolod Chicken Inasal Festival ang nag-umpisa subong nga Mayo 24 kag magatabok sa Mayo 26.
