Gin-aprubahan ni Bacolod City Mayor Alfredo ‘Albee’ Benitez ang pagpatuman sang road closure sa Circumferential Rd. sa bahin sang St. Francis Ave. tubtob sa Upper East Ave.
Ang closure ang maga-umpisa alas-7:00 sang gab-i tubtob alas-12:00 sang kaagahon, subong nga adlaw, Oktubre 18 tubtob Oktubre 20.
Samtang ang tanan naman nga truck nga magabyahe sa Circumferential Rd. ang iga-divert sa Bacolod-Negros Occidental Economic Highway humalin alas-4:00 sang hapon tubtob alas-2:00 sang kaagahon sa nasambit nga petsa.
Samtang, magabutang naman ang Bacolod Traffic and Transport Management Department sang holding area para sa mga truck nga luyag maghulat tubtob nga matapos ang event.
Gina-abisuhan ang publiko nga wala sang ano man nga vehicle ang makalabay sa mga apektado nga dalan kag pedestrians lamang ang makasulod sa event grounds.
