Nagpasar ang Sangguniang Panlungsod sa Bacolod City sang resolusyon nga nagamando sa mga buluthuan nga magdihon sang precautionary measures agud nga mapunggan ang paglapta sang kaso sang Hand Foot and Mouth Disease (HFMD).
Sa interview sang Bombo Radyo Bacolod kay Councilor Em Ang, chairperson sang Committee on Health, bisan amat-amat ang pagsaka sang kaso naghimo na ini sang tikang agud nga mapunggan ang paglapta pa sini.
Suno kay Ang ang resolusyon nga ginpasar sini sa Sangguniang Panlungsod amo nga nagamando sa mga Child Development Centers nga maghimo na sang precautionary measures bangud ang Hand Foot and Mouth Disease (HFMD) ang common sa mga kabataan.
Sa pihak nga bahin, ginpatigayon na ang concurrence sang appointment nanday Atty. Mark Mayo bilang Bacolod City Administrator kag Atty. Karol Joseph Chiu bilang Bacolod City Legal Officer sa regular session sang 12th Council sang Sangguniang Panlungsod kahapon.
