Ginpaidalom sa blue alert status ang Bacolod City Disaster Risk Reduction Management Office agud nga magmonitor sa sitwasyon subong nga Semana Santa.
Sa interview sang Bombo Radyo Bacolod kay Earl Edward Ramirez, Chief Operation Officer sang Bacolod City Disaster Risk Reduction Management Office, nakahanda na sila kaupod ang Philippine Red Cross Volunteers para sa pagresponde kun kinahanglan sang mga pumuluyo nga nagpadulong sa simbahan sa pagupod sang aktibidad sa pagobserbar sang Semana Santa.
Suno kay Ramirez, subong nga adlaw sang Biyernes Santo, Marso 29, sa tanan nga mga simbahan sa ciudad sang Bacolod may yara sang nakastand by nga personnel sang CDRRMO kaupod ang personnel sang PRC ukon mga medic.
May yara man sang mga robing team nga magalibot agud nga magmonitor sa sitwasyon sang mga pumuluyo nga nagaupod sa mga aktibidad sang Simbahan Katolika sa pag-obserbar sang Semana Santa.
Ang mga barangay nga may ambulansya ang in-charge man nga magstand by sa mga simbahan nga yara sa ila barangay.
Samtang sa Easter Sunday naman may yara man nga nakastandby nga emergency responders kag medics agud magmonitor sang sitwasyon sang mga pumuluyo nga magpadulong sa beach resorts agud nga magselebrar.
Suno kay Ramirez, in case of emergency ang mga pumuluyo ang mahimo nga magtawag sa emergency numbers nga sa 432-38-79 ukon 445-78-26 para sa landline kag 09302434706 para sa cell phone number.
