Malibot sa ciudad ang Bacolod City Disaster Risk Reduction and Management Office kag City Engineer’s Office para magtsekyar sa mga government owned buildings kag ma-assess kun safe pa nga magamit.
Sa interview sang Bombo Radyo Bacolod kay Earl Edward Ramirez, operations chief sang Bacolod City Disaster Risk Reduction and Management Office, una nga gintsekyar ang Bacolod City Governent Center kag sunod ang mga buluthuan kag mga buildings kun bala may mga crack nga makit-an.
Suno diri, tsekyaron sang City Engineer’s Office kun safe ang mga buildings apang sa private sector naman mahimo sila magkuha sang structural engineer.
Pahayag ni Ramirez, sa tion nga may linog indi magpanic kag magwa sa mga balay ukon buildings…Samtang… nagpatigayon sang inspection ang Local Government Unit sa ciudad sang Bacolod sa mga buildings sa ciudad kasunod sa linog nga nagluntad kagab-i.
Sa interview sang Bombo Radyo kay Bacolod City Mayor Greg Gasataya, kagab-i matapos ang linog nagpatigayon sila sang Disaster Risk Reduction and Management council meeting para magconduct sang preparasyon kag assessment.
Suno diri, nagdesisyon ini nga isuspend ang klase kag trabaho sa gobyerno subong nga adlaw agud ma-inspect ang kondisyon sang mga buildings kag mga classrooms sa ciudad.
Iban sa mga ahensya kag mga buluthuan ang nagpalapit na mismo sa iya para magrequest sang inspection.
Suno sa alkalde kun wala man sang problema kag safe man ang buildings, mahimo magresume ang klase kag trabaho bwas nga adlaw.
Samtang, pahayag sini madayon gid ang Masskara Opening karun sa gab-i….Naseguro na nga SAFE ang Bacolod City Government Center kag iban pa nga opisina sang gobyerno matapos ang 6.9 magnitude nga linog sa Cebu.
Madumduman nga nabatyagan man ang mabaskog nga linog sa Bacolod City kag Negros Occidental.
Kaina sang aga, gintsekyar sang Bacolod City Engineers Office kag City Disaster Risk Reduction and Management Office (CDRRMO) ang BCGC.
Sa interview sang Bombo Radyo Bacolod kay City Engr Loben Ceballos, safe ang BCGC facility kag wala man sila sang nakita nga defects.
Ang BCGC ang may-ara sang seismic gap feature nga nagamitigate sa epekto sang pagtay-og.
Una nila nga gintsekyar ang mga column kag beams kasubong man ginsegurado nga nagafunction sang maayo ang elevator.
Samtang ang private establishments ang mahimo man makapatigayon sang ila nga assessment.
Sarang man nga makuha ang serbisyo sang mga structural engineers ukon safety officers nga makatsekyar kun may-ara sang natuga nga peligroso nga structural defects ang linog.
