Kapin 2,700 na lamang ka mga job order casuals ang iga-hire sang Bacolod City Government kadungan sang pagnubo sang National Tax Allotment sang kapin P300 million sa budget para sa masunod nga tuig.
Suno kay Mayor Alfredo Benitez, mabuhinan sang P300 million ang NTA sang ciudad kun sa diin humalin sa P2 billion nga share sang Bacolod para sa 2023 budget, ini ang mangin P1.7 billion na lamang.
Suno kay Benitez, ini ang sarang nga macompensate paagi sa pagbuhin sang numero sang mga job order casuals.
Suno sa iya, 2,700 na lamang ang iga-hire sang ciudad sa masunod nga tuig bangud nagikan sa P625 million nga budget sa general fund para sa mga JO, ini ang mangin masobra P300 million na lamang.
Suno diri, gina-analyze pa sini kag ginareview kun pila gid ang kinahanglanon nga job order casuals sang city government kag santo sa assessment sang mga departments, indi gid man kinahanglan sang madamo nga JOs.
May yara naman sang dutay nga improvement sa local revenues suno sa alkalde kag ang City Treasurer’s Office ang magacertify sang P3.2 billion nga budget para sa 2023 kaangay lamang sa budget sini nga tuig.
