Magaset sang meeting ang Bacolod City Government sa management sang Prime Waters agud marespondehan ang mga complaints nga nabaton sa Water Watch nga gintukod ni Mayor Alfredo Benitez.
Suno kay Secretary to the Mayor Atty. Joseph Karol Chiu, nakabaton sila sang masobra 200 ka mga complaints nagikan sa mga Bacolodnon paagi sa Water Watch nga inisyatibo sang alkalde kun sa diin sarang nga makafill-out sang form ang mga pumuluyo agud ipalab-ot ang ila mga reklamo.
Ini ang ginpasa naman sa general manager sang Bacolod City Water District.
Aminado si Chiu nga madamo gid ang problema sa tubig sa ciudad kag mangin siya ang apektado gani ini ang pagahimuan sang tikang sang city government.
Suno diri, magaset sila sang meeting sini nga semana sa management sang Prime Waters.
Nagpasalamat man ini sa kooperasyon sang mga pumuluyo kag nagpahayag nga ila tinguhaan nga mahatagan sang solusyon ang mga concerns nga ginapasa.
