Kasunod sang pagpa gwa sang PAGASA sang forecast sa heat index nga 41 degrees Celsius subong nga adlaw Abril 1 kag 42 degrees Celsius bwas Abril 2, pila ka mga local government units (LGUs) ang nagdeklarar sang suspension sang face-to-face classes.
Ini ang ginpangunahan sang Bacolod City kaina sang kaagahon, kasubong man sa banwa sang EB Magalona, Cauayan, Kabankalan kag Silay City.
Kasunod sang mga ini, amat-amat naman nga nagdeklarar ang iban pa nga LGUs kaangay sang Talisay City, Hinoba-an kag Bago City.
Pila ka mga unibersidad ang nagdeklarar man sang pagsuspender sang klase.
Sa pihak nga bahin, nagpagwa naman sang statement si Binalbagan Mayor Alejandro Mirasol, nga ginhatag na nila ang gahom sa District Supervisors sang Department of Education ang pagdeklarar sang class suspension.
