Ginpahayag sang spokesperson sang Land Transportation Franchising and Regulatory Board (LTFRB) nga may yara sang 44 ka mga routa sa syudad sang Bacolod santo sa Local Public Transport Route Plan (LPTRP) apang ini ang nangin 24 nalang bangud ang iban ang gin-upod ukon merged kag ang iban ang gindula.
Sa interview sang Bombo Radyo Bacolod kay Atty. Salvador Altura, sa 24 ka mga routa, lima pa ka routa ang wala sang nagabiyahe nga modernized jeepneys kun sa diin kinahanglan sang Local Government Units (LGUs) nga magbutang sang masakyan nga tawo.
Suno kay Altura, ang mga traditional jeepneys nga may expired nga franchise sa idalom sang interim service permits nagikan sa Land Transportation Franchising and Regulatory Board (LTFRB) tubtob March 2023.
Suno diri, ang prangkisa ang ginatigana sa mga naawardan na sang modernized units sang jeep.
Sa kabug-usan, 1099 ka mga jeepney units ang natalana nga magabiyahe sa syudad sang Bacolod santo sa LPTRP sang syudad.
Apang sa karun may yara sang 173 pa lang ka modernized jeep ang nagabiyahe sa syudad kag ginaluam nga sa katapusan sang Disyembre subong nga tuig, maabot na ang 25 percent sang modernized jeep sa syudad sang Bacolod kag ang nabilin ang ipadala antes ang bulan sang Marso 2023.
