Ginmanduan na sang alkalde sa syudad sang Bacolod ang Bacolod City Water District (BACIWA) nga solbaron ang mga problema sa tubig nga ginpadangat sang mga konsumidor sa opisina sini.
Suno kay Bacolod City Mayor Alfredo Benitez, may yara sang 133 tanan nga reklamo batok sa Bacolod City Water District (BACIWA) kun sa diin kalabanan diri ang kakulang sa supply sang tubig.
Suno kay Benitez, nagpasalig ang water district nga may nakita na sila nga solusyon sa problema sa kakulang sang supply sa tubig sa syudad sang Bacolod matapos nga may ginadihon na sila nga augmentation sa supply sang tubig paagi sa Murcia Water District.
Nagmando man ang alkalde sa Baciwa nga padasigon man ang pagilis sang mga daan nga pipelines sang water district.
Nagpanugyan man si Benitez sa mga ini nga magbutang sang generator sa water district sub stations agud nga wala sang magluntad nga brown-out kag indi mahigko nga tubig ang magwa sa mga gripo sang mga konsumidor sa tion nga magbalik ang supply sang kuryente.
