-- ADVERTISEMENT --
Ginkumpirmar sang bise alkalde sang Bacolod nga nagpanumpa ini sa Lakas CMD nga political party kun sa diin ang Chairman amo si House Speaker Martin Romualdez.
Sa interview sang Bombo Radyo Bacolod kay Bacolod City Vice Mayor El Cid Familiaran, siya lamang ang nagpanumpa sa nasambit nga partido.
Suno kay Familiaran sang 2022 kabahin ini sang Nacionalista Party.
Suno sa bise alkalde ginimbetar lamang sini si Abang Lingkod Partylist Representative Joseph Stephen Paduano agud nga magsaksi sa pagpanumpa sini.
Suno pa diri, sa masunod nga piniliay mahimo ini nga magpadalagan bilang konsehal ukon magapahuway anay sa pulitika.
-- ADVERTISEMENT --
Apang gin-athag man sini nga wala pa ini sang pat-od nga plano bangud malayo pa ang filing sang Certificate of Candidacy.
