Nagpasalig si Bacolod City Mayor Greg Gasataya nga makig-angot ini sa Land Transportation Franchising and Regulatory Board (LTFRB) Region 6 kag LTFRB Negros Island Region agud mahibaloan kun ano ang mahimo sa concerns sang mga drivers kag operators nga wala nadala sa lista sang makabaton sang ayuda para sa fuel crisis.
Suno sa alkalde, ang Local Government Unit nagakoordinar sa national government para sa assistance nga ihatag sa transport sector apang sila sa LGU nagatinguha nga mangita sang solusyon agud mabuligan ang mga drivers kag operators.
Sa karun, iga-assess anay sang LGU kun magbalik na sa normal ang sitwasyon antes untaton ang libre sakay.
Pahayag ni Mayor Greg, ila ginatinguhaan nga makahimo sang tikang agud maka-save sang fuel kag expenses ang ciudad.
