Ginselebrar sang Bacolod City Police Office (BCPO) ang National Heroes Day upod ang bug-os nga pwersa sang Philippine National Police (PNP), nga ginalakipan sang ila flag raising ceremony nga ginpangunahan ni BCPO director si P/Col. Thomas Joseph Martir.
Sa interview sang Bombo Radyo Bacolod kay BCPO spokesperson P/Lt. Ma Liberty Indiape, mensahe ni PNP Chief Gen.Rodolfo Azurin Jr. para sa mga kapulisan kag sa mga pumuluyo nga dapat magpasalamat sa mga binuhatan sang aton mga baganihan humalin sa nagliligad.
Ginaduso man sini ang mga aktibidades sang kapulisan sa subong nga panahon sa kampanya batok sa kriminalidad ilabi na sa iligal nga droga.
Gani ginapatigayon sang PNP chief ang iya programa nga “malasakit, kaayusan, at kapayapaan tungo sa kaunlaran” sa pagduso sa siyudad sang Bacolod sa pagpakigbato sa tanan nga krimen.
Iya man ginapasalamatan ang wala untat nga serbisyo sang mga kapulisan sang BCPO kag sa kooperasyon sang publiko sa pagpaluntad sang kalinong kag katawhay.
Dako man ang pagpasalamat sang BCPO director indi lamang sa kapulisan kundi pati na sa mga frontliners sa padayon nga pagpakigbato sa Covid-19.
