Bilang presidente sang Bacolod City Public School Teachers Federation, ginpahayag ni Richard Gelangre nga yara ini sa side sang mga manunudlo apang indi man madiscount ang kinamatarong sang isa ka principal.
Kun iga-undergo na ang legal nga procedure suno kay Gelangre, ginpasalig sini nga indi malapas ang kinamatarong sang mga manunudlo bangud ang regional director ang disciplining authority.
Kun indi malab-ot ang ginahingyo sang mga manunudlo sa desisyon sang regional director suno kay Gelangre, ginpasiguro sini nga mapamatian ang tingog sang mga manunudlo.
Nabatian na ni Gelangre ang reklamo sang bulan sang Mayo apang iya gindumdom nga angot ini sa COVID vaccination apang liwat sila nga nagreklamo sa karon sa lain naman nga concern.
Suno diri, kinamatarong sang mga manunudlo nga magreklamo apang kinamatarong man sang principal nga magsabat sa mga akusasyon batok sa iya.
Wala sini ginabasol ang mga manunudlo sa pagdangop sa Bombo Radyo bangud sila ang nagapati nga mas madasig ang pagkuha nila sang hustisya, apang kun indi gid, sarang sila makafile sang formal complaint.
Kun yara sa grievance committee ang reklamo suno kay Gelangre, magasukmatanay ang magtimbang nga partido apang settlement ang madangatan sini.
Sa pihak sini, ginatugyan na ni Gelangre sa schools division superintendent kag assistant schools superintendent ang paghandle sang reklamo.
Suno diri, madugay pa ang proseso kun magkinasuhay gani mas maayo kun masettle ini sa gilayon.
