Wala untat ang monitoring sang Local Government Unit sang Bacolod City sa Tropical Depression “Wilma”.
Sa interview sang Bombo Radyo kay Bacolod City Mayor Greg Gasataya, indi gid man makusog ang pag-ulan nga naeksperyensyahan sa ciudad apang padayon ang ila monitoring bangod mahinay ang paghulag sang bagyo.
Suno diri, sang nakaligad nga adlaw ang track sang bagyo malabay gid ini sa isla sang Negros kag sa karun nagsaka ang tarck sini, apang wala sila nagapabilin nga kampante.
Samtang, padayon man ang ila pagpreparar para sa short-lived La Nina phenomenon nga magadugay tubtob sa una nga quarter sang 2026.
Panawagan sini sa pumluyo sang Bacolod City nga magbantay kag magpreprar para sa bagyo.
Sa karun, yara pa sa gihapon sa red alert status ang ciudad kag ini yara pa sa idalum sang state of calamity.
