May duha na nga persons of interest sa nagluthang-patay sa security guard sa downtown area sa corner Locsin-Luzuriaga Street, Bacolod City.
Sa interview sang Bombo Radyo Bacolod kay Police Major Elmer Bonilla, station commander sa Bacolod Police Station 1, dako ang nabulig sang CCTV footage sang mga kaingod nga establishimento sa pagkilala sa mga suspect sa pagpatay kay Benjie Flores Fajardo, 30 anyos, residente sang Barangay Banago, Bacolod City.
Ang suspect nga natumod sa imbestigasyon kag sa paghinun-anon sa mga witnesses, ang parehas man sa ginatudlo sang pamilya sang biktima nga may motibo sa pagpatay.
Nahibaluan nga si Fajardo ang anay suspetsado sa pagpatay, apang wala napadayun ang pagfile sang kaso kag ini ang nalagyo sa Iloilo sa sulod sang tatlo ka tuig.
Ang biktima ang apat ka bulan pa lamang nga nakabalik sa ciudad sang Bacolod, kag ginalantaw nga pagtimalos ang rasun sa pagpatay.// Sa CCTV Footage, makita nga may-ara sang isa ka persona nga nagserbe nga spotter.
Kun sa diin sang mag-out si Fajardo sa trabaho, ini ang gilayon man nga nagpalapit sa sedan nga salakyan, nga hinali man nagpalapit sa biktima kag ini ang ginluthang.
Aminado si Bonilla, nga natukiban man nila nga nag-away si Fajardo kag ang manager sini, apang ang rasun ang tuman ka hapaw agud tunaan sang pagpatay.
