May yara na sang person of interest ang Bacolod Police Station 1 angot sa nagtiro sa 59 anyos nga barangay tanod sang Barangay 34 samtang nagpamunit ini sa Seawall sa Purok Malipayon, Barangay 35, siyudad sang Bacolod sang Nobyembre 13.
Ang biktima ang ginkilala nga si si Nilo Payo, residente sang Purok Million Flower, Barangay 34, siyudad sang Bacolod, samtang ang mga suspetsado naman ang nakapalagyo kag wala nakilal-an.
Suno kay Police Major Ramel Sarona, station commander sang Bacolod Police Station 1, may yara sang tatlo tubtob apat ka mga persons of interest ang kapulisan nga padayon nila ginabantayan.
Ginalantaw nga motibo amo ang personal grudge.
Ginahulat man ang pahayag sang mga witness para mapasakaan sang kaso nga murder ang mga susptsado.
Apang wala na naghatag sang impormasyon ang mga kapulisan angot sa ginalantaw nga mga suspetsado.
