Padayon nga nagapaayo ang isa ka mangingisda matapos ini ang gin-alegar gintiro samtang nagapanagat sa tunga sang lawod kahapon.
Ginkilala ang biktima kay Reynaldo Manlangit, 52-anyos kag pumuluyo sang Barangay Kagaykay, Barangay 2, Bacolod City.
Ginapahayag nga isa ka katapo sang Bantay Dagat sang Dumangas ang suspek sa pagpaniro.
Sa interview sang Bombo Radyo Bacolod kay Engracio Esguerra, tag-iya sang bangka nga ginasakyan sang biktima, nagaisahanon nga nagapanagat si Manlangit sa lawod nga nasakupan sang Talisay City sang hinali ini nga gindakop sang Bantay Dagat.
Nakapalagyo ang biktima kag ginhigad sini ang bangka sa Barangay 2 apang siya ang Nakaangkon sang samad sa tiyan kag tiil.
Suno kay Engracio wala pagid ini nakahibalo kun ano gid ang natabo kag ang nadawat sini nga impormasyon ang nagikan lamang sa biktima.
Ginpahayag naman sang bata sang biktima nga nagpanugid ang iya amay nga nasamaran ini bangud gintiro sang Bantay Dagat.
Suno sa anak ni Manlangit nga isa lang nga nagpadagat ang iya amay kag indi man ila nga bangka.
Suno diri nakapalagyo ang iya amay apang ini ang napilasan na.
Ginalantaw sang bata, nga mahimo naglapaw na ang iya amay sa lugar nga mahimo lamang mapangisdaan, gani siya ang ginlagas sang Bantay Dagat.
Ang biktima ang kapin 30 anyos na nga nagapangisda.
Ipaidalom sa surgery ang biktima agud makuha ang bala sa iya lawas.
