Napanagtag na sang Department of Trade and Industry ang bag-o nga suggested retail prices (SRP) para sa basic necessities and prime commodities matapos nga napublish sang Mayo 11.
Suno kay DTI Negros Occidental Provincial Director Rachel Nufable, nagsaka na ang presyo sang nagapanguna nga balaklon.
Una diri, gin-aprubahan sang DTI ang minimum increase para sa 82 ka basic necessities and prime commodities.
Ini ang ginalakipan sang tinapay, sardinas, potable water in bottles and containers, processed milk, locally manufactured instant noodles, kape, asin, habon panglaba, detergent, kandila, harina, processed and canned pork, processed and canned beef, langgaw, fish sauce (patis), soy sauce, habon pampaligo, kag batteries.
Suno kay Trade Secretary Ramon Lopez, gin-evaluate sang DTI sang maayo ang request para sa price adjustments nagikan sa mga manufacturers sa idalom sang jurisdiction sang ahensya.
Naghingyo ang mga manufacturers nga pasakaan ang presyo sang ila nga produkto bangud sa pagmahal sang raw materials kag pagmahal man sang produktong petrolyo.
