Nakabaton sang award ang isa ka Bagonhon sa Norwegian Grammy Awards sa Spellemannprisen Ceremony nga ginpatigayon sa Den Norske Opera & Ballett sa Oslo sang Marso 23.
Ginpauli sang Filipino-Norwegian artist nga si Hillari Alison ang R&B/Soul Category award.
Sa speech ni Alison, ginpahayag sini nga bisan lamharon pa siya sa industriya, dako ang iya pagpasalamat sa oportunidad nga iya nabaton para mapakigbahin ang iya talento sa musika.
Siya nagdako sa Brgy Poblacion, Bago City kag nag-umpisa sa iya music career sa edad nga 18 sang tuig 2023.
Sa kaangay nga tuig, nagrelease ini sang debut song niya nga “How is Your Soul” tubtob nga nakaperform ini sa pinakadako nga festival sang Norway kag nagdaog bilang NRK P3 “Untouched” Artist of the Year.
Suno kay Alison, proud siya nga Bagonhon kag indi sini malipatan ang lugar kun diin siya nagdako kag nakatoon sang madamo nga butang.
